Frivilligsentralen har flytta til lokala til Braute på Sjøholt. Alle er velkomne inn! Opningstider: 9.30 - 15.30. Eg er åleine på arbeid og må stenge av og til p.g.a. møte og oppdrag utanfor kontoret. Ring 97712943 så ringer eg tilbake så snart eg kan.

Dagen kom med sol, blå himmel, kjekke ungdomar og glade og fornøgde turdeltakarar. Dei 10 første tok buss til Fjellstova og gjekk den vakre Postvegen tilbake til Elvastien. Terje Osvik var turleiar og vegvisar. Alle var strålande fornøgde då dei kom tilbake til oss andre ved elva. Der var 9.klasse i sving med ulike aktivitetar for alle. Kjell hadde fyra opp i begge båla i god tid.

Denne boka er neste bok for lesegruppa. Her er litt av innhaldet: Den onde syken Radesyken - eller den onde sykdom - ble den kalt; endemien som herjet sørvest-Norge i siste halvdel av syttenhundretallet. Den hadde syfilisliknende symptomer, og forårsaket så store illeluktende sår. Det er den som har rammet de to hovedpersonene i dette tunge skjebnedramaet. Det vil si, det er en liten jente som er smittet og faren følger henne. De to tas inn til undersøkelse hos Dr. Deegen, for øvrig en «virkelig» lege, som på syttenhundretallet ble hentet fra Tyskland til Norge for å finne ut av den mystiske lokale sykdommen. Les vidare sjølv!

Programmet for Ørskogdagane 2. - 3. juni er klart og sendt til trykking i starten av neste veke. Det skal ut eit flygeblad i kommunane Ørskog, Skodje, Vestnes og Stordal ca. 21. mai. Annonse i Bygdebladet kjem litt seinare. Vi håper på fint ver og mykje folk. Programmet blir lagt ut her så snart det er heilt ferdig. Fleire som vil ha stand? Ring 97712943 eller send ein mail.

4 flinke dugnadskarar hjalp oss å fjerne skrot frå Elvastien sist måndag. Det var ein heilt full-lasta hengar med gamalt skrot som vart køyrt til Miljøstasjonen neste morgon. Slikt vil vi ikkje ha rundt den fine stien. Elles er Elvastiens venner flinke til å passe på at det er reint og fint langs stien kvar veke. Flott med så gode frivillige!

1. mai startar trimsesongen med bøker på mange trimpostar i Ørskog. Trimarka er å få kjøpt på Frivilligsentralen og Fjellstova. Trimgruppa treng litt inntekter for å kjøpe premiar til hausten. Viss det er stengt her så berre send meg ei tekstmelding til 97712943 så leverer eg arket i postkassa di! Legg ved kontonr. så kan de betale direkte. Det ordnar seg :-)